باسم الكربلائي : علامات الحزن

السبت أغسطس 20, 2011 9:54 am

من روائع باسم الكربلائي هذه القصيدة :

:: علامات الحزن ::

علامات الحزن و عيون حـــــــــراس
دمع طفلة و عتب و جروح واحساس
تصد الراس ابوها و تدمع العيـــــــــن
يهتز الرمح من يزعل الــــــــــــــراس

..........

على ظهور الهزل تصرخ يمظلــوم
نزل دمع اليتيمة و خضر همـــــوم
مشت طول الطريق اتنوح و تصيح
يا يوم و يعود إلراح يا يوم يا يــــوم
إذا غاب الابو ما تغمـــــض العيـــن
يعــــاشرها السهر و يسافر النــــوم
اذا حن القلب تتمنى الحسيـــــــــن و
اذا شافت خطر صاحت يعباس يعباس

..........

تنادي بعد ابويـــة العمــر شيفيــــــد
رقية إلشوفتـــك يالوالـــــد اتريـــــد
الوذ بيا صدر من وحشة الليــــــــــل
يليل الآه ارحم خل يجي العــــــــــيد
امد ايدي على راسك بلكت اتقـــــول
تعالــي يا رقيــــــــــة و تلزم الايـــد
تجيها شلون يالجسمك غدا اوصـــال
رقــــية ما درت بالخيــــل ينـــــداس

..........

فزت من حلمها بصوت مجــــروح
اريد حسين هسة قامت تنـــــــــوح
زينب و الحرم كلهن اجنـــــــــــها
لقنها من الالم جن طير مذبــــــوح
تصيح هنا يبوية و زينب اتصيـــح
يبو الاكبر عليك اشتاقت الـــــروح
نياحة وصوتهن بالليل مسمـــــوع
عليهن بالخرابة التمت النـــــــــاس

..........

بطشت جابوا إلها و قربت يمـــــــه
حزينـــة و شبگت الراس و تشمــه
اخذنـــي ويــاك مااصـــبر بليـــاك
انا بنتـــك رقيـــــة يا بـــو اليمــــة
علي السجاد صاح بصوت محزوم
يعـمــة ماتت الطـــــفلة يعــمـــــــة
اجت زينب عليها و شاـفت الحـــال
لقتها على النحر مقطوعة الانفــاس

..........

:: للشاعر السيد عبد الخلق المحنة ::

للتحميل اضغط الرابط في الاسفل :

علامات الحزن - باسم الكربلائي