قصيدة للشاعر المرحوم مله عطيه الجمري
قرأها الرادود الحاج مله باسم الكربلائي
هنا يل نازلين أهنا ، بگبر حسيــــــــــــن دلوني
هنا يل نازلين أهنا ، بگبر حســــــــــــين دلوني
بتالي لي المسنايه ، الراعي الجـــــــود والرايه
أريد أروح شچايه ، وگله يا بـــــــــــــدر زادي
رضيت الگوم يسبوني ، رضيت الگوم يسبوني
*******
طاحت من عله الناگه ، تبعتها خوات أحســـــــين
تتعثر وهَي تنادي ، يخويه أحسين گبرك ويـــــــن
جيتك باليتامى أگعد ، تلَگانه ينور العـــــــــــــــين
خويه يل متت ضامي ، دِگعد جيت بإيتــــــــــامي
شوف إنتحلت إعظامي ، تراني من السهر يحسين
متشوف الدرب عيني ، متشوف الدرب عينــــــي
*******
يخويه دِگعد أحچيلك ، عن أحوالي بهل سفـــــــره
مشينه أعله الهزل حسر ، يخويه مشيت الگشــــره
لابن زياد بالكوفه ، جنايزكم عله الغبـــــــــــــــره
لو شفت الضعن من راح ، حادينا بشتمنا صـــــاح
كِل ساع ويتيمٍ طاح ، وكل الروس منصــــــــــوبه
عن شمالي وعن إيميني ، عن شمالي وعن إيميني
******
وصلنه الشام آه يلشام ، ما ينحمـــل طاريهــــــا
يريت أموَسِده بگبري ، ولا طبيــت واديـــــــها
يخويه يگصر ألساني ، على أهوال الشفت بيهـا
على بوابة الساعات ، تلوح إگبالنه الرايــــــات
ظليت أجذب الحسرات ، تمنيتك عدل يحـــسين
وبلـــحدي تواريني ، وبلحـــــــــــدي تواريني
******
خويه والخرابه إشلون ، أوصفـــلك مصايبــــها
مهدومه وأبليه أفراش ، نتوســــــــــد ترايبــــها
وماتت فاطـــــــــمة بيها ، محد من گرايبــــــها
بُگت يحسين ممدوده ، وعليها الچبد ممـــــروده
وعلي مبهوض بگيوده ، وأنه إنخاكم يعز الجار
لچن ما تِجيبوني ، لچن ما تِجيبونــــــــــــــــي
******
يبو السجـــاد ما تنهض ، العيله وصَلت بيها
محفــوظة كرامتها ، دومي أمحافظه إعليها
دربٍ وعر والغربه ، يخويه من يقاســـــيها
شمر الرجس حادينه ، وسوطَ يلتـوي إعلينه
دِگعد وصلت إسكينه ، بهمةَ وحشـم العباس
يَبن أمـي وتلگوني ، يَبن أمـــــي وتلگوني
*****
وصلناكم يبو فاضـــــــــــــل ، لا جيتوا تنزلونه
هاي الروس جبـــــــــناها ، ومنكم نطلب العونه
راس حسين أسمحولي ، تراهي أمكسره أسنونه
مصيبه مگدر أحچيها ، روحي أتمرمرت بيهـا
أسمع مني تاليها ، أبطشت الذهب كسرهــــــن
يزيد وتنظره أعيوني ، يزيد وتنظره أعيونـــي
للتحميل
ملا باسم - هنا يالنازلين هنا , قبر حسين دلوني.mp3
ابد و الله يا مولاي ما ينسي حسينك
