- رهفمشرف
- عدد المساهمات : 3323
تاريخ التسجيل : 19/11/2011
يامسجون مثلك راهب السجان
الأربعاء يوليو 11, 2012 12:36 pm
ياكاظم الغيض!!
يامسجون مثلك راهب السجان!
يَمرَكَع السجن وَمرَكع اركانه
هارون النذل ضايع بَلا عنوان
وانتَ كَُبتك من ذَهب مَولانه
يَمطهر الجسر من خطوة الشيطان
ياجسر الشهادة الباقي نيشانه
مواكب للكرامة ابنخوة الشبان
كل طاهر شريف اتعنى ويانه
على اجفوف المنايا وانتفض عثمان
والهسه الجسر ما ناسي عثمانه
موالينك اِسود اتحدوا الطغيان
خاف الخوف منهم غِلَك بيبانه
يانهر الولاية ابكل وَكت مَليان
لان بيه كل موالي فاض شريانه
ياموسى ابن جعفر ياعظيم الشان
اليجهل شخصك اعمى وضاع برهانه
يَل كل تضحياتك قربه للرحمن
والناصب سَفيه ايسيره شيطانه
يل امجازي الاسائه ابطيبة الأحسان
ياباب الحوائج يزهي ديوانه
الحزنان التعنالك يرد فرحان
ياخذ رادته وتتبدد احزانه
ياكاظم الغيض إوقلعة الايمان
ياناطق وابد ما سكت قِرأنه
.........................
سلام الله عليك يا مولاي
صلاحيات هذا المنتدى:
لاتستطيع الرد على المواضيع في هذا المنتدى