- همورةنائب المدير
- عدد المساهمات : 8403
تاريخ التسجيل : 02/07/2011
الموقع : بلاد الرافدين
:: گول زيـنـب ::
الثلاثاء يونيو 25, 2013 1:49 am
گول زيـنـب ، وانـتــــه فـنـك .. ما تهل دمع المصيبة وتنفجــع
گول زيـنـب ، وانـتــه گلـبك .. لو جبـل أحد يذوب ويــنصدع
گول زيـنـب ، مـن صـمـيمك .. تغدي نـار اعيونك ودمعك شمــع
گول زيـنـب ، وانـتـه جـلدك .. يخشع الهيبة إسمــهه وينــگشـع
گول زيـنـب ، وانـته تسمع .. بـالـمديـ نة ونـّه مــن كسر الضلع
گول زيـنـب ، وانـته تسمع .. صرخه مـــن محراب حيدر ترتفـــع
گول زيـنـب ، وانته تنظر .. طشت بـــــي چـبد المعارف ينـوضع
گول زيـنـب ، عـالـرمـاح .. يـتـلو قـر آن الشهــــاده وينرفع
گول زيـنـب ، عـالـشـريـعة .. وشوف يــاچف الكفاله التنـگطـع
گول زيـنـب ، والــرضـيـع .. مـــن ثـدي النبله يفضّـل يرتضع
گول زيـنـب ، والـطـفـوف .. تـنكتب اسطـوره مـن دم ودمــع
گول زينب، والزمان .. يوگـف بــأجـــلال الهـــه ويختضـــع
گول زيـنـب ، والـوجـود.. يـنـحني الثـورة مجــــدهه ويختشع
گول زيـنـب ، والـخـلـود .. عـل صـخـر ينقش إسمهه وينطبــع
گول زيـنـب ، لـلـسـمـاء .. تـفـرش اتـراب الطـفوف وتضطجع
گول زيـنـب ، لـلـنـجـوم .. تـلـبـس الظلمه عبـايه وتهــتجع
گول زيـنب ، للضيــاء .. والشمـــس تاخـذ گـمرهه وتنــدفـع
گول زيـنـب ، عـ الظـلام .. يـسـري مـن سـاق الـعرش نور ويشع
گول زيـنـب ، والـحـجـاب .. يستحي من زينب ويلـبس گـُـبــع
گول زيـنـب ، والدمـــاء .. تنفجر بالكره الارضــيـــه نــبع
گول زيـنـب ، عـ الطغاة .. شـوف چم قلعة مظــالم تنقلع
گول زيـنـب ، يـم يـزيـــد.. يـجـفـل الموســاد منهـه وينفزع
گول زيـنب ، هيه مـــــــرأه .. وللأبد مــاهزهه إرهـاب الجمع
گول زيـنب ، للخطــاب .. إلسانهـــه إلسـان الصبــح من يندلع
گول زيـنـب ، للشعــار .. وانــتـه تشجب كـل اساليــب القمع
گول زيـنـب ، للجهــاد .. واگبـُـل بوجـه النبــال بـــلا درع
گول زيـنـب ، لـلـشـعـوب .. اتثــورعل طاغي وتغيـّر هل وضـع
گول زينب، للـمثــــال .. تنضـــرب اروع مثـال الينتـــبع
گول زيـنـب ، لـلـعـطــاء .. والـشـهـيـد حسين قربان الشرع
گول زيـنـب ، لـلـنـسـاء .. تـنـذل أنـوف الـرجـال وتـنجدع
گول زيـنـب ، لـلـحـقـيـقة .. ويكشف التـار يخ عن وجهه البشع
گول زيـنـب ، لـلـحُـسـيـن .. تـعله چـف الدين مبتــورة صبع
گول زيـنـب ، واگضـي عـمـرك .. تبحــث وبحثك فـلا يجدي نفع
گول زيـنـب ، سـر سـمـاوي .. ومــاكـو احد گـدرعالسر يطّلع
گول زيـنـب ، وانـتـه إسـكـت .. خلهه هيه اتسـولف وإنتـه استمع
ღ
الشاعر : صفاء الدفاعي الرُميثي
- جنة الحسيننائب المدير
- عدد المساهمات : 2736
تاريخ التسجيل : 02/12/2011
الموقع : أرض الانبياء
رد: :: گول زيـنـب ::
الثلاثاء يونيو 25, 2013 2:20 am
صلاحيات هذا المنتدى:
لاتستطيع الرد على المواضيع في هذا المنتدى