- همورةنائب المدير
- عدد المساهمات : 8403
تاريخ التسجيل : 02/07/2011
الموقع : بلاد الرافدين
ابوذيات و هوسات بمناسبة ولادة الامام الحسن المجتبى
الأربعاء يوليو 24, 2013 2:13 pm
إلى الحبيب المصطفى -ص-
يمــن عكَلي بجمـــالك يا نبينــه
وملك كَلب اليحبّـــــك يا نبينــه
صـلاة الله وســــلامه يا نبينــه
عليــك وعالســـلاله الحيدريّــه
***
رسـالـه لصاحب المولـد وصلّــه
نهنّيكـم حفـــل مـولـد وصي اللَه
عليكـم سـلَّـم البـــاري وصلّــه
يصفـوة هـاشـم وخيــــر البريّه
***
نسينـه المجتبى لتـْظن وسـلْ لم؟
لأنـه للـعُـلا مَصـعـد وسُـلّـم
عليه رب العـرش صـلى وسـلّـم
إمـامـي وسيّـدي وغـالي عليّـه
يهل بيت النبي مولد حسنكم
أجانه أو ما بقه مخفي حسنكم
قمر ضاوي أبو أمحمد حسن كم
يفوق الناس حسن أبن الزجيه
ــــــــ
جواهر نابعه من فيض بسماك
نزل جبريل شايل نور بسماك
حلو لاح القمر مرسوم بسماك
ورضنه أبمولدك صارت ضويه
ـــــــ
نهني المرتضه ببنه وردنه
نزوره أو نحمل الحيدر وردنه
لجل أبنه الحسن نفرح وردنه
نطش أورود ونهني الزجيه
هوسات ...
أدور الناس وارجــع إلكــم ردود
عرفت الجـود منكــم إلكـم يعـود
أريدن صـكْ شفاعه بمولـد الجـود
بدْخول الجنّه مْوقـْعينـه
***
طمعْت وحكَي أطمع أنـتـو رجـواي
أحبكم مثـل حـب الجـرف والمـاي
إذا حان الأجل بس حبكــم ويــاي
يكفيني بالمحشــر حبكم
***
هله وميّـة هلــه بْطيــر البشاره
شجبت لي ويـاك مـن الحامي جاره
ابتسـم كَال انولـد شـبــل الغياره
يا شيعي بشراك الفرحه
***
يكَـولولي البعض يا شيعـة الخير
نسيتوا المجتبى ؟ معقوله ويصير!؟
سكتت وشفت اِيــدي لكَلبيَ تشير
تسمعونه يا اسم يردّد؟
***
نبض كَلب المحب بسم الميـامين
ولا افـرّق ابـد مـا بينهـم حين
مثل حب الحسن حبيــت الحسين
أحبابي ما افــرّق بيهم
***
- جنة الحسيننائب المدير
- عدد المساهمات : 2736
تاريخ التسجيل : 02/12/2011
الموقع : أرض الانبياء
رد: ابوذيات و هوسات بمناسبة ولادة الامام الحسن المجتبى
الأربعاء يوليو 24, 2013 2:34 pm
- همورةنائب المدير
- عدد المساهمات : 8403
تاريخ التسجيل : 02/07/2011
الموقع : بلاد الرافدين
رد: ابوذيات و هوسات بمناسبة ولادة الامام الحسن المجتبى
الأربعاء يوليو 24, 2013 2:39 pm
الشكر الجزيل لمرورك المعطر جنو
صلاحيات هذا المنتدى:
لاتستطيع الرد على المواضيع في هذا المنتدى