قصيدة في ذكرى جرح الامام علي عليه السلام

السبت يوليو 27, 2013 5:11 am

سلام الله عليك يابو الحسن

يالمطلگ ثلاثة الدنيه لا رجعة.....او كل طيب شريف ايحبك بوجدان
ولا صفرة التغرك ياعلي او لابيض....او اجه كل الذهب ابعتبتك خجلان
انولد شخصه ابيته او طحت بالبيت...او كل العالم اصبح بالوصي ولهان
صرح شامخ ضريحك ياعلي او نور....او نشم من مرقدك ياعلي الجنان
واليوم اعله بابك ياعلي جيناك....نهل ادموعنه بموقف عظيم الشان
اسحگ عالعيون الماتكت ادموع....واضحي بكل حياتي او اتلف الاجفان
واگل للناس ابچو اليوم بدموم.....ليلتنه عظيمة او ليلة احزان
احس طبگة سمانه اعله الارض گربت....بس ربك رحمنه او عدل الميزان
او لو ما قدرة الباري اورحمته اليوم....چا غرگت ارضنه او صابهه الطوفان
او ليلة گدر چانت يوم فجعونه.....او غضب رب الجلالة او ماجت الگيعان
ليلتنه انفجع كل المله صوبين....من طبرة ولينه حامي الجيران
لملم حزن روحك واجمع ابچاك ......هاليلة بطبرته الكون حزنان
هاليلة السمه مطرت دمه اعله الحيد.....او كل املاك ربنه اتصيح يارحمن
هاليلة الحزن خيم عله الطيبين....او لبس اسود عليه الانس والجان
هاليلة غميجة اتهيج بيه اجروح....او مثل جرح الوصي ما شافه كل انسان
هاليلة العيون اتحير بالدمعات....تريد اتكته عالمذكور بالقران
هاليلة اليتامه امتانية الماعون....او كل منهم صفة هالييوم حيران
كل منهم يصيح بصوت وين الچان .....يمسح عاليتيم او يشبع الجوعان
هاليلة نزل روح القدس من فوگ.....شايل حزن عرش الباري والاكوان
ناده بصوت طاح الدين....وانفصمت عروته او طاحت الاركان
هاليلة نواسي الحسن والمظلوم ...او عقيلتكم يحيدر ام الاحزان
هاليلة نواسي الكون والاملاك ....او مصابك مو مصاب اشيب الرضعان
هاليلة گلبنه وياك يامولاي ....ننعاك بحزن بالدمع والاشجان
هاليلة اسد ربنه انطبر ياحيف....او معروف اعله حيدر داحي البيبان
گلي شلون ليك الكافر ادنه.....او طبر هامتك وسفة بارض كوفان
وانته بكرتك معروف .....من تنزل تبارز ترهب الميدان
وسفة انگول حيدر طاح بالمحراب....او وسفة ابن المرادي هدم الاركان
علي حزنانه الگلوب من تنعاك....او ما تگدلر تسولف حادثة رمضان
علي يالعلم الجلالة ابشخصك اتوسد.....تعرف كل حرف موجود بالقران
علي يا سر الاله او ايته الكبرى.....او نبا ربنه العظيم او چلمة الغفران
علي يا اصل الامامة او معدن التاويل.....يا قاسم جنان الحور والنيران
او غصبن عالشماته الماتريد الحگ....يظل اسمك علي ينذكر بالاذان
يظل اسمك علي ينذكر بالأذان..

السبت يوليو 27, 2013 8:35 am

السبت يوليو 27, 2013 8:55 am

يــــــــــــــــــاعلي

قبل أن تبرأ روحي تيم الروح علي
قبل أن يبدئ خلقي همت عشقاً بعلي
قبل أن تبدى سنيني بعت عمري لعلي
وبسوح الدر لمـا يــــــــــــــــــاعليـع الدر علي
طفت بين الخلق أدعو أنا مولى لعلي
وسمعت الكون يشدو خذ عهودي ياعلي
كل ذرات وجودي سـوف تبلى يا علي
ثم شاء الله خلــقي من سـنا نور علي
ومع الصلصال والما خــامـر الجسم علي
ذاب في أمشاج لحمي حــب مولاي علي
في مساريب عروقي سال عشقي يا علي
في كريـات دمائي خُط حبـي يا علي
رئتـي ما مر فيها نفــس دون علي
كل اعضائي صارت طـوع أمر لعلي
كلما دق فؤادي قــال نبضي يا علي
كلما رفت لهاتـي قـال ثغري يا علي
كلما سالت دواتـي كـتب الحبر علي
كلماأظلم دربي صـــاح دربي ياعلي
كلما كلما اغفت ورودي ضج روضي يا علي
وبأرحام الزواكي كنت أشدو يا علي
لبن الأثداء فيه كم جرى حب علي
حجر أمي ومهادي فيهما دفؤ علي
كلما أرعت تنادي يا امامي يا علي
علمتني يا صغيري لا تدع حب علي
فذكاء حين غابت ردها عشق علي
صدرها الكعبة شقت واشارت يا علي
ها هنا قلبي فخذه لك عبداً يا علي
يا صغيري ليس يدرى سر مولاك علي
إن طه -وهو طه-كان يدعو ياعلي
يا محبيه تنادوا يا علي... يا علي

السبت يوليو 27, 2013 1:36 pm

رحم الله والديكم ...

عظم الله اجوركم

السبت يوليو 27, 2013 3:01 pm

عظم الله اجورنا واجوركم ... شكرا جنه ع المرور والرد الرائع
شكرا للمرور هموره

قصيدة في ذكرى جرح الامام علي عليه السلام

قصيدة في ذكرى جرح الامام علي عليه السلام

رد: قصيدة في ذكرى جرح الامام علي عليه السلام

رد: قصيدة في ذكرى جرح الامام علي عليه السلام

رد: قصيدة في ذكرى جرح الامام علي عليه السلام

رد: قصيدة في ذكرى جرح الامام علي عليه السلام