الرئيسية
أحدث الصور
التسجيل
دخول
أبو جعفر الصادقموالي جديد
- عدد المساهمات : 6
تاريخ التسجيل : 17/07/2013
أمة الهادي ينوح كتابها .. ذكرى شهادة أمير المؤمنين بقلمي
الأحد يوليو 28, 2013 2:44 pm
ـــــــــــــــــــ
أمة الهادي ينوح أكتابها ...... عالأمامة الطاحت بمحرابها
اليوم تبچــي حتى أملاك السمه ..... الدنيا كلهة أصبحت غيض ومظلمة
عالأمامة الطاحت بمحرابها
ـــــــــــــــــــــــــــــــــــــــــــــــــــــ
اليوم ماجت السمه والأرض //// عالأمــامة الما يتم ألهة فرض
يــم أله العرش يادم ينعرض //// نورألألــــه وبالعهد ينفرض
اليوم صابو أركان الهدى /// وما يضيع الدم عند الله سدى
باجر الأمة شديد أحسابها /// عالأمامة الطاحت بمحرابها
ـــــــــــــــــــــــــــــــــــــــــــــــــــــــــــــــــ
المحراب املاك السمه أعلي دايره //// أملاك هبطت وانزلت متحيره
مذهولة غدت وبفزع متطيره ////// من شاهدت عالوجه طايح حيدره
أملاك ناحت عالـولي وبألم //// وكتابه ناح أو لوحـه ويه القلم
حگها مو ندري عظيم امصابها /// عالأمامة الطاحت بمحرابها
ــــــــــــــــــــــــــــــــــــــ
چــن أسمعت جبريـل صوته دوه //// اليوم ركـــن الدين طاح أو هـــوه
وبصورة قدسية المحراب أحتوه //// كل الرسل حضرت وبالدمع ارتوه
عَزت المختار بمصاب الجره /// أتواسيه عالفاجعة وگلبه اتصبره
فاجعة حيدر خذت ألبابها /// عالأمامة الطاحت بمحرابها
ــــــــــــــــــــــــــــــــــــــــــــــــــ
العتره هذا اليوم وبيا وضع //// ومصاب أبو الحسنين بي تنفجع
الحَسن من نيران سال الدمع //// ومن حسين صوت النايبه يرتفع
العباس من دون أخـــوته /// فورت دمه ياعلي شيمته
ايگـول اليوم أفني أرگابها /// عالأمامة الطاحت بمحرابها
ــــــــــــــــــــــــــــــــــــــــــــــــــــــ
أم الحزن بيها الألم ماينوصف //// من سمعت ابواليهة جرحه كلف
نادت يبويه الدمع لأمي مايكف ///// واليوم أفگــد عزوتي والخلف
اليوم بويه ياعلي أتيتمت /// وبيك الدهر يفجعني ما حسبت
والفواطم من دماك أخضابها /// عالأمامة الطاحت بمحرابها
ـــــــــــــــــــــ
خادم أهل البيت وسام خضير الكلابي ابوجعفر نسألكم الدعاء للعبد الفقير
صلاحيات هذا المنتدى:
لاتستطيع الرد على المواضيع في هذا المنتدى