شوية رسائل للعيد مشوا بيها حالكم

الأربعاء أغسطس 07, 2013 1:56 pm

عيد ودمع وجروح يلتمن شلون
كلما اقول انساک تفضحني العيون

تدري انه قبل العيد عاشورك وياي
حاسمهه لو مو عيد ماتضحك اشفاي

القلب قبل الناس إتعنه دارك
ملهوف اجاك ايقول عيدك امبارك

قالولي اجاك العيد چا ليمته اتهيد
عيد اليمر بجفاك ماينحسب عيد

تدري آنه قبل العيد عاشورك اوياي
حاسمها لو مو عيد ماتضحك اشفاي

صايم على فرقاك غيرك فلا اريد
أفطر أنه بملقاك وك شوفتك عيد

كون الفرح ينباع واشريلك العيد
يالشوفتك عيدين عيد احله من عيد

بالعيد اشوفك وين يالشوفتك عيد
مشتاقه روحي اليوم وتشوفك اتريد

هاك العمر واختار من عنده شتريد
بس كون اگضي اوياك صبحية العيد

العيد اجانه العيد اشلون اهنيك
أهديلك آنه العين لوبيها اخليك؟

إنتي الذهب والماس والجوهر انتي
والدنيه تصبح عيدكل ماضحكتي

بالسنه ثنين اعياد أسمع يقولون
وكل ضحكة منك عيد ياحلو العيون

قالولي باچر عيد إلمن تعايد
مادروا إنته العيد وبقلبي قاعد

فرحة وسعادة انطيك بس قلي شتريد
ومني اخذ بوسات من هسه للعيد

عيدية الك بوسات ما منها موجود
تطبع على الدلال لامو عالخدود

خلني بعذاب الشوقـ مارايد العيد
چي لنك انته اليوم عن عيني ابعيد

الصايم يتاني العيد لهلاله ينطر
بس آنه اصوم اعليك وبجيتك افطر

مو ماتجي متانيك وك قلبي ميهيد
لو ماتجي قرايات يتحول العيد

ملهوف اجانه العيد ها كتله شتريد
راويته جرح الناس ظل يلطم العيد

اهلا وسهلا بيك وبجيت العيد
محتاره روحي وكون تلبسلك اجديد

بالعيد اعايد ناس بس أنته لاله
هم شفـت واحد يوم عايد هلال

وكل عام وانتم بالف خير
[ندعوك للتسجيل في المنتدى أو التعريف بنفسك لمعاينة هذه الصورة]