الشاعر ايهاب المالكي : تستاهل

الخميس أبريل 24, 2014 2:16 am

تستاهل واتمنالك انه الخير صح فرصه مثلهه من الصعب تلكه...
خلي اذنك على صدري سمعت الصوت تسمع فرح كلبي تسمع الصفكه...
بقه عندي فرح زايد حرام يضيع مره اخذه بطريقك ساعة الفركه...
بي تلكه ابتسامه تلكه ضحكه بصوت انته ادخل بروحي بكيفك اسنكه...
انه هسه فرح بلروح مامحتاج مايحتاج فرحه الينوخذ حكه...
ولو راح الشماته أبعدك يفروحن وتفز الوجوه الجانت مدنكه....
ولو راح اذبل والكاك نسمه موت تاخذ بلخريف من الخصن وركه....
بعد حته من اغني جفوف اليسمعون تهتز هزه ايدي الما الك خلكه...
منيدي الخاليه راح تعرفني الناس ويبين عليه وي الحزن رفكه..
دليني الهوه من تروح وين الكا..بدونك نفسي ضيك والارض خنكه..
كالولي اخذ طوق النجاة وياك موج الشوك عالي اليتعب يغركه..
وبد مافكرت يمته اوصل اعله الراك بس شكد حلمت بروجة الملكه