ليلــة وداع واحزان ليـلة دفنهــم

ليلة وداع الخوان اعظم مصيبه
مابين خيل ونيران زينب غريبه

من تمشي للشــام -- وياهـه الايتــام 
زينب غريبه -- زينب غريبه
------------
زينب تون اعله حسين جثته رميه
من صاب گلب المظلوم سهم الرزيه
تبجي ودمعهه مهدور من جور اميه
مهمومه روحي وتصيح راح امنديه

للمصرع آنه اتعنيت واعيوني تدمع 
جلجل الليل ومريت يالوالي ارجـع

ماتگدر تنام -- وياهـه الايتــام 
زينب غريبه -- زينب غريبه
------------
ماظل دمع لاظــل حيـل عندج يحره
يامن ربيتي ويه حسين وامج الزهره
وحدج صفيتي ابهل يوم وبليــله مره
محتار گلبج محــتار والله اليصــبره

ليلــة وداع واحزان ليـلة دفنهــم
ياعمه ياهل دفان حطني بلحدهم

مصيوبه بسهام -- وياهـه الايتــام 
زينب غريبه -- زينب غريبه
------------
عالنهر نايــم عبــاس وتـعذرتنــي
جفــك الطايـح والجـود بي لوعتني
حرگوا خيامي ياحيف ريتك شفتني
بين الزلم بين الخيل ليش اتركتني

عفت اختك وآنه ادريك كلك حمـيه
واعرفت جودك من طاح مترد اليه

حرگوهه الخيام -- وياهـه الايتــام 
زينب غريبه -- زينب غريبه
------------
ليـلة مرار واشجـان ليلــة فكـدكم
يلنمتوا فوك التربان ماجـني منكـم
عفتوني بلغربه شلون موآنه اختكم
لليسر هسه آني امشيت ماودعتكم

ناحت وصاحت عباس رحت انه امشي
اخذ الگلب هــاك الروح ماظلـي كلشـي

مادنكت هام -- وياهـه الايتــام 
زينب غريبه -- زينب غريبه
------------
فرق شـملهه هالبين والله وبــلاهه
مجـتوفه راحت لوين ويه السبـاهه
لاوالـي عـدهه وهلگوم شتمـت طـه
اوكل ذكرياتك يحسين تمشي وياهه

تذكر لمن جنت تنام بعيوني اغطيك
نايم غطاك التربان هسه اني اخليك

وگليبي محتام -- وياهـه الايتــام 
زينب غريبه -- زينب غريبه
------------
عفت انه فوك التربان روحي وحياتي
ربـي اقبـلهم قربان واقبــل صـلاتي
هذا الصبر عالظـلام اجمل صفاتي
بيّـه السـتر دوم يلـوذ تحـمي عـباتي

لجــل العقيــده والــدين آنـه انــذر الــروح
بس جرحه خليه ايطيب خل كلبي مجروح

ثبتت الاسلام -- وياهـه الايتــام 
زينب غريبه -- زينب غريبه