قصيدة بحق الامام الكاظم عليه السلام

اريد اكصد الكاظم واشكي الحال
واكله اشكثر يامولاي احبنك
واشوفه اجروح كلبي وكثرت الطعنات
هوه بحالي ادره وما خفه عنك
ياباب الحوائج تنصر الملهوف
كله تريد منك وانه اعرفنك
حبيتك صدك حب ولحد الموت
وبحساسي الجبير اليوم احسنك
ابيع ارويحتي بغالي الثمن اشريك
شنهو الروح تسوه بلا كرب منك
اعرف طينتك مولاي من يابيت
ياكاظم الغيض السود مسنك
من اسال بروحي وحالي بالصفنات
وحده هالجدم يمشي اعتنه يمك
قسمتي من الاله وربي هو الراد
ياربي بقسمتي انه احمدنك
اذا ردت ابتعد ويجرني انه ابليس
اشوف الزعل بيهم ربي اعبدنك
واذا تركت الوصل بالحظه انه وياك
هم ارجع ذليل وانه اشوفنك
قريتك وادرست وافهمت انه زين
وكبرت وصرت حيل انه افهمنك
يبن جعفر يموسى كربت الايام
واهمومي اثكلن وبهاي اكلنك
اكلك شنهو بيه الصار يامولاي
غلطاتي اكثرن وبهاي اكلمنك
سئلتك مره وبيه من جنت مهظوم
وفرجت الهموم بنظره من صحنك
واليوم لضريحك من كطع الفاي
لازم عالوضع مولاي اخبرنك
تبلغ ابنك الموعد كله يكوم
وصلت للزبى وبهاي اسرنك

خادم اهل البيت
ابو علي السعيدي