الرئيسية
أحدث الصور
التسجيل
دخول
جنة الحسيننائب المدير
- عدد المساهمات : 2736
تاريخ التسجيل : 02/12/2011
الموقع : أرض الانبياء
قصيده الى الامام الصادق (ع)
الأحد أغسطس 25, 2013 1:25 pm
نادينه بكل دمعه وحسره -- صادق صادق
حزنك يلهب يسعر جمره -- صادق صادق
بگلب مالوم
نصب ادموم
وفراگك هـاليله اشكـبـره -- صادق صادق
***************
يـعـالــم كــل زمـــــــان وصــادق الامـه
چـنــت تعــرف الـديــن بـرگـبــتــك ذمـه
لان الـبـاري راد بحـكـمــتــه وعــلــمــه
تحـافـظ انته عـالــديــن وحـفـظت اسمه
وحفظته وشلته بنص روحك -- صادق صادق
ماحاسب لوعـات اجـــروحك -- صادق صادق
قـدر مقسوم
نصب ادموم
وفراگك هاليله اشكبره -- صادق صادق
**************
رغـم جـرحـك يجـعـفــر و الالم يسعـر
عـشت عـالـم زمانــك سيدي ومصــدر
رسمت المـذهــبـك خـط بـنهـج حـيــدر
ونــزل جـبـريــل اعـلـن عالمله و كبـر
مصدر مذهبكم ياشيـعـــــه --- صادق صادق
واجب هذا الامر انطـيــعـه --- صادق صادق
لچن محتوم
نصب ادموم
وفراگك هاليله اشكبره --- صادق صادق
**************
رحلت وعاشت الدنيا بصدى إحزانـك
وبقه المذهــب ينادي بفيض ايمانـــك
على جروح الزمن ظل يزهي عنوانك
مـجــد لـلـديــن ويرتــلهــا قــرانـــــك
يا إيه ومصـدر كـل إيه --- صادق صادق
يل تنشد وتريــد الغايه --- صادق صادق
بحزن وهموم
نصب ادموم
وفراگك هاليله اشكبره --- صادق صادق
*************
نصب دمع الحزن والـدمعـه تــدريها
الك تـنـزل جـمـر وبحـرگه نبـچـيـهـا
لان تستاهـل انته ادمــوم نجــريـهــا
بدل دمع النـواظـر يل عـشـت بـيـهـا
وجروحك لي هسه تنادي --- صادق صادق
ويـردد ويـاهـا الحــــادي --- صادق صادق
على المسموم
نصب ادموم
وفراگك هاليله اشكبره --- صادق صادق
*************
يظل جرحك جرح ويعيش وسط الروح
يجعـفـر والدمع من دم الك مسفـــــوح
نون لجلك يمصدرنـه بگلب مجـــروح
ولايبره الجرح بينه وبعـد مــيـــــروح
واحدنه بدمعات الغــربه --- صادق صادق
ينزف دم لجلك من گلبه --- صادق صادق
لان مظلوم
نصب ادموم
وفراگك هاليله اشكبره --- صادق صادق
*************
صلاحيات هذا المنتدى:
لاتستطيع الرد على المواضيع في هذا المنتدى