الرئيسية
أحدث الصور
التسجيل
دخول
همورةنائب المدير
- عدد المساهمات : 8403
تاريخ التسجيل : 02/07/2011
الموقع : بلاد الرافدين
شعر شعبي: يالتزور حسين إصبر لا تزور
الأحد يوليو 05, 2015 4:09 pm
يالتزور حسين إصبر لا تزور
إقره ليش حسين قامت ثورته
حتى من تنزل دمعتك عالحسين
تعرف شگد الثواب بدمعته
تدري ليش الميت ايعصره القبر؟
وتدري شيصيح القبر في ميّته؟
خاف حابس دمعه في حق الحسين
اليوم تطلع من ظفر سبابته
وحتى تعرف منك شرايد حسين
مو تزوره وإنته جاهل غايته
حسين رايد روح تنهض بالضريح
مو تحط دينار ما هو بحاجته
روح علگ گلبك ابباب الحسين
وشيل كل هذا الذهب من حضرته
حسين ما محتاج عالگبه ذهب
الذهب محتاجه راح الگبته
والناس لو تدري الذهب قصد الحسين
چان ما نصرت يزيد وخانته
وياهو گال الناس فقدت چم حسين
وياهو كَال هوايه وادم تبعته
صاح صوت امن السمه بمقتل حسين
وبعده لسه يصيح محد سكّته
شلون ما نبچي وندگ لاجل الحُسين
وكل سنه بعاشور ننصب مأتمه
انكسر ظهر الكون من طاح الحسين
والجبال من اللطم متثلمه
ولأن ماكو چفوف وتدگ النجوم
تنهدگ عالگاع وترد للسمه
تدري شنهي المعجزه بلطم الحسين؟
ما تموت الناس لو تمطر دمه
ويه كل چف يرتفع يوكَف مَلاك
شما يدگ المحب صدره يقدمه
وعدنا بالدنيا زلم لولا الملاك
چا صدرها بضربه وحده تهشمه
للشاعر نائل المظفر
جنة الحسيننائب المدير- عدد المساهمات : 2736
تاريخ التسجيل : 02/12/2011
الموقع : أرض الانبياء
رد: شعر شعبي: يالتزور حسين إصبر لا تزور
الأربعاء يوليو 08, 2015 3:48 pm
صلاحيات هذا المنتدى:
لاتستطيع الرد على المواضيع في هذا المنتدى